الدنيا تغيرت

قصة توضح طرق جديدة للاختطاف وضعتها لكم كي تستفيدوا مع الاعتذار عن اللهجة العامية..

الحريم اللي يدقون على شباك سيارتك

تقول صاحبت القصه
حبيت احكيلكم عن موقف صار لي امس في الشارع التجاري بالدمام عشان تنتبهون
كنا رايحين هناك ادور سجاد ابغى اشتري ومالقيت شيء عجبني ورجعت السيارة لحالي انا وولدي
وزوجي راح يشتري مويه
شوي اشوف حرمه تدق على القزاز
استغربت وفتحت لها قامت تدعي وتطلب فلوس وكانت تحاول تتكلم لهجتنا بس من كلامها عرفت من اي دولة هي عطيتها من ماعطاني ربي
وراحت ورجعت مره ثانيه ودقت على القزاز وفتحت لها قالت افتحي الباب استغربت انا فتحت شوي
الا هي حطت يدها وتسحب وانا خفت وصرت اسحب وهي قويه
فتحت الباب وصارت ترش بخاخ وانا غمضت عيوني حسيت زي النار فيها
ومعاد شفت شي اتذكر اني ماسكه الباب
والحمدلله على جية زوجي
شافها ماسكه الشنطة وتبغى تاخذ ولدي مدخله راسها من ورايه هو واقف ورى صغير عمره سنه و10 شهور
على طول مسكها واتصل على الدوريه
وهي تصارخ وانا في خبر كان
كاني نمت
وجات الدوريه ومسكتها والشرطي حذر زوجي وقال صاير الخطف كثير بهذي الطريقة
والحمدلله عدت على خير
انا فصلت تقريبا ساعة ولما فقت الا احنا في الطريق رايحين المستشفى

ماني مصدقة اللي صار
يااخوات انتبهوا الدنيا اتغيرت
حسبي الله فيها
الله لايوفقها لاهي ولا امثالها
ياليتها كانت تبغى الشنطة اللي مجنني اش تبغى في ولدي الله لايوفقها

المشكلة اني ماكنت أءمن على ولدي حتى مع ابوه
استحاله اخليه

واخرتها كنت راح اتسبب في خطفه بسبب غبائي

للأسف بعض الاباء ياخذون عيالهم معهم ويتركونهم بالسياره لحالهم وينزلون للبقاله يشترون وبعدين يرجعون للسياره وهذي الحركه جدا خطره للاسف بعض الرجال ماعندهم احساس بالمسؤوليه بالمره
منقووووول للأمانة

صدقت يا أختي الدنيا تغيرت شاكرآآآ لك هذا الموضوع و تميزك في هذا المنتدى و إلى طريق التميز .

» الدنيا بخير
» إضحك تضحك لك الدنيا